00.00.0000-cı il tarixdə Cinayət Məcəlləsinin 00-ci maddəsi və 000-ci maddəsinin 0-ci hissəsinin a) və c) bəndləri ilə ittiham elan edilərək təqsirləndirilən şəxs qismində dindirilən Mövlamov Seyran ona ittiham irəli sürülən cinayəti törətməkdə özünü təqsirli bilməmiş və bildirmişdir ki, şübhəli şəxs qismində verdiyi ifadələri dəstəkləyir. O cümlədən göstərmişdir ki, “00.00.0000-cı il tarixdə, təxminən saat 00:00-da o, həyat yoldaşı və uşağı ilə birlikdə Kiyev–Kişineu marşrutu üzrə hərəkət edən avtobusla Otaçi gömrük postu vasitəsilə Ukraynadan Moldova Respublikasına daxil olmuşdur. Sərhədi keçərkən onun üzərində 00 000 ABŞ dolları məbləğində pul vəsaiti olmuşdur. Qeyd olunan pul vəsaiti ailə üzvlərinin pasportları ilə birlikdə onun əl çantasında yerləşirdi. Moldova Respublikasına daxil olarkən gömrük postunda onlardan gömrük nəzarətinə bəyan edilməli hər hansı malların olub-olmaması barədə heç kim soruşmamışdır. Xatırlayır ki, avtobusa uniformada olan bir əməkdaş daxil olaraq sərnişinlərdən qadağan olunmuş əşyaların olub-olmamasını soruşmuşdur.”